Фудбалерот на Сасуоло, и на Италијанската репрезентација, Франческо Ачерби беше прогласен за „херој на неделата“ во италијанските медиуми.
Ачерби синоќа на пријателскиот натпревар против Албанија во Џенова го имаше своето деби во дресот на „Аѕурите“ по долгото отуство од терените поради борбата со ракот.
На Ачерби му беше дијагностициран рак на тестисот во јуНи 2013-та година, а по операцијата и третманите тој се излекува од тешката болест. Сепак во декември, истата година докторите му соопштија дека ракот се вратил, и по новата рунда на хемо-терапија тој е сега здрав, па беше можност да настапи во второто полувреме во Џенова.
Италија со единствениот гол на Стефано Окака триумфираше над Албанија во пријателскиот натпревар.
-Мислам дека селекторот Конте ме вклучи во селекцијата поради типот на фудбалер кој што сум. Знам дека тој цени посветеност и желба да го даваме максимумот, а тоа и го правев, изјави Ачерби за италијанските медиуми.