Играчите на Реал Мадрид покажуваат дека се вистински ѕвезди, но и лидери не само на клупски туку и на репрезентативен план. „Кралскиот клуб“ секогаш важел за собиралиште на големите ѕвезди, кои покажуваат дека имаат значајна улога во светскиот фудбал. На последните пријателски дуели кои се одиграа ширум светот поголем дел од играчите на Реал настапија за своите национални селекции. Тоа дека речиси сите се репрезентативни воопшто не претставува изненадување, но реткост е тоа што голем дел од нив дури беа и капитени, односно предводници на своите земји.
Најдобиот играч во светот, Кристијано Роналдо, е капитен на Португалија, а веќе со години истата улога ја има и Икер Касиљас во селекцијата на Шпанија. Дефанзивниот играч за врска Сами Кедира ја имаше капитенската лента во таборот на актуелниот светски првак Германија.
Дека и помладите играчи на Реал ги гледаат како лидери на своите национални состави го потврдија Рафаел Варан и Џејмс Родригез. Дефанзивецот Варан ги предводеше „галските петли“, додека новата ѕвезда во светскиот фудбал родригез е капитен на селекцијата на Колумбија.