Малерот за Манчестер Јунајтед продолжува. Играчот кој се најавуваше како еден од оние што треба да го вратат Манчестер Јунајтед на шампионската патека, Радамел Фалкао повторно се повреди. Колумбискиот напаѓач повеќе од еден месец веќе е надвор од теренот, но сега кога се очекуваше негово враќање, тој се здоби со нова повреда. Според најавите голгетерот ќе паузира уште две недели.
„Менаџерот ван Гал откри дека Фалкао повторно се повреди и ќе паузира во следните две недели“, стои на твитер профилот на клубот.
Фалкао, кој е еден од најплатените фудбалери во Манчестер, досега има дадено само еден гол за „црвените ѓаволи“. Интересно е што од различни причини Фалкао досега нема одиграно ниту еден цел меч за тимот од „Олд Трафорд“.