Фудбалерот на Барселона Лионел Меси од синоќа е нов рекордер по бројот на постигнати голови во шпанската Примера Дивизија.
Со погодоците против Севиља Аргентинецот го надмина досегашниот рекордер Телмо Зара во средината на минатиот век, кој како член на Атлетико Билбао стигна до 251 погодок.
Новиот рекорд на Меси е 253 голови, со тенденција да биде значително зголемен, со оглед на тоа дека од сезоната во Шпанското првенство има да се играат уште 26 рунди.
Зара рекордот го постави по 15 одиграни сезони и 278 натпревари, додека Меси тоа го направи по 289 натпревари.
Инаку, Барселона ја совлада Севиља со 5:1, а новиот рекордер во победата учествуваше со „хет-трик“.