Без разлика што синоќа немаше вистинска ѕвезда на теренот кога игра Милан и Интер, навивачите го исполнија стадионот „Сан Сиро“ до последно место и навиваа за своите миленици.
Околу 80.000 фанови во живо го следеа дербито од кое домаќинот Милан имаше огромен профит и тоа само од продадените билети. „Росонерите“ од продажбата на билети заработи 3,3 милиони евра, што е најголема сума за еден меч одигран во Серија А. и Претходниот рекорд на продадени билети на еден меч го држеше Милан.
ВЕТЕРАНОТ НА УДИНЕЗЕ СО ЈУБИЛЕЈ
Ди Натале стигна до 200 гола
Искусниот напаѓач на Удинезе, Антонио ди Натале стигна до бројката од 200 погодоци во Серија А. Ветеранот погоди во ремито на Удинезе против Киево, со што стана само седмиот фудбалер кој успеал да стигне до 200 погодоци во италијанското првенство.
На Ди Натале му беа потребни точно 400 меча за да ја стигне оваа бројка, што значи дека во просек дава по еден гол на секои два меча. Во дресот Удинезе се има израдувано на 182 гола, а има погодено 18 пати додека настапуваше за Емполи. Во кариерата два пати беше најдобар стрелец во сезоната. Тој има и 42 настапи за репрезентацијата на Италија.
Јувентус и Рома немаа проблеми
Водечкиот двоец во првенството, екипите на Јувентус и Рома продолжуваат во победнички ритам. Шампионот Јуввентус ја чува лидерската позиција откако убедливо со 3:0 славеше на гости кај Лацио. Некогаш гостувањата на „Олимпико“ против лацио биле пеколни за „старата дама“, но овојпат тимот од Торино многу лесно стигна до посакуваниот триумф. Пол погба со два гола и Тевез со еден гол беа творци на победата.
Рома со пресврт се израдува на трите бода на гостувањето кај Аталанта. Домаќините уште во првите 60 секунди поведоа, но до крајот на првото полувреме гостите од Рим направија пресврт и стигнаа до победата, со што го задржаа чекорот со лидерот Јувентус.