Со голот на Висилиј Березутски во третата минута од судиското дополнение, ЦСКА Москва се спаси од пораз во дуелот против Рома играјќи нерешено 1:1.
На средбата од 5.коло во фудбалската Лига на шампиони, одиграна во Москва, екипата на Рома имаше предност се до самиот финиш, откако капитенот Франческо Тоти во 43-минута од слободен удар постига гол. И кога сите очекуваа крај на средбата и триумф на италијанскиот тим, Василиј Березутски во последните моменти од судиското дополнение (90+3 минута) успеа да ја затресе противничката мрежа и да го израмни резултатот на 1:1.
На вториот натпревар одигран вчера попладне и тоа во рамките од Х групата, победа забележаа гостите. Порто со 3:0 го победи Бате Борисов. Стрелци на головите за португалската екипа беа Хектор Херера (52-минута), Џексон Мартинез (65) и Тељо (89).