Чилеанскиот интернационалец во редовите на Арсенал, Алексис Санчез со прекрасен погодок синоќа ја запечати победата на „Топџиите“ на натпреварот против Борусија Дортмунд на Емирати стадионот во Лондон.
Санчез погоди за 2-0, во 57-та минута, резултат кој остана до самиот крај на натпреварот од 5-то коло во групата Д. Претходно, уште во втората минута Јаја Саного рано го доведе Арсенал во водство.
Голот на Санчез против Борусија беше вкупно 13-от за фудбалерот на 20 натпревари за Арсенал, а клубот од Лондон се квалификува во нокаут фазата од ЛШ по 15-та последователна сезона.
Со победата во 5-то коло Арсенал, остана на втората позиција на табелата со 10 освоени бода, 2 помалку од лидерот на табелата Б. Дортмунд. Андерлехт на коло пред крајот на фазата по групи се наоѓа на третата позиција со 5 освоени бода додека пак Галатасарај има само 1 освоен бод.
Погледнете го голот на Санчез.