На долгиот список на екипи коишто покажуваат заинтересираност за Миралем Пјаниќ се приклучи и Манчестер Јунајтед од каде што велат дека нема да има проблеми да се плати обесштетување.
Манчестер Јунајтед и понатаму бара играч кој според играта потсетува на Пол Сколс. Потребен е фудбалер кој ќе може да ја раздвижи играта односно да донесе многу повеќе идеја во средниот ред.
Сумата која се бара за Пјаниќ е 40 милиони евра, а покрај Јунајтед во комбинација се и Манчестер Сити, Тотенхем, Борусија Дортмунд, Милан и Јувентус.
Пјаниќ и понатаму е врзан со договор со екипата на Рома така што клубот од Рим нема намера лесно да се раздели со него.
„Навивачите можат да бидат мирни. Заинтересираноста на многуте клубови од цела Европа ми години, но мојот договор со Рома истекува во 2018 година и затоа јас сум концентриран исклучиво на мојата игра во тимот. Веќе разговарав со тренерот за ова и можам да кажам дека сум задоволен и среќен во Рома и засега немам намера да си заминам“, вели Пјаниќ.