Шампионот на Европа, Реал Мадрид, е подготвен да ја прифати понудата на Манчестер Јунајтед вредна 90 милиони евра за трансфер на Герет Бејл и тие пари да го вложи на доведување на фудбалерот на Челзи, Еден Азар, пренесуваат англиските медиуми.
Велшанецот наводно бил незадоволен од статусов и местото во тимот и со задоволство би се вратил на Островот, особено што Јунајтед му нуди петгодишен договор и неделна заработка од 300.000 фунти.
Бејл оваа сезона во сите натпреварувања одигра 20 натпревари и постигна девет погодоци, а претходно настапуваше за Тотенхем и Саутемптон. „Кралевите“ за него платија 100 милиони евра што е рекорден трансфер на еден фудбалер.
Реал е заинтересиран и за младиот фудбалер на Ливерпул Рахим Стерлинг. Англискиот репрезентативец одби да потпише продолжување на договорот со „Црвените“, па Реал може да ја искористи ситуацијата и да го донесе за многу ниска сума.