Лондон, 20 декември 2014 (МИА) – Во англиската Премиер лига викендов се играат натпреварите од 17.коло во кое шампионот Манчестер Сити забележа убедлива победа над Кристал Палас, додека Манчестер Јунајтед не успеа да ја продолжи победничкатасерија и одигра нерешено на гостувањето кај Астон Вила.
Сигурен настап имаше и Саутемптон кој со победата над Евертон повторно се врати на местата на табелата кои обезбедуваат пласман во еврокуповите.
Резултати на попладневните натпревари од 17.коло во Премиер лигата: Астон Вила – Манчестер Јунајтед 1:1, Хал – Свонси 0:1, Квинс Парк Ренџерс – Вест Бромвич Албион 3:2, Саутемптон – Евертон 3:0, Тотенхем – Барнли 2:1 и Вест Хем – Лестер 2:0.
Утре играат Њукасл – Сандерленд и Ливерпул – Арсенал, а колото в понеделник ќе го комплетираат Стоук и Челзи.
Табела: Челзи 39 бодови, Манчестер Сити 39, Манчестер Јунајтед 32, Вест Хем 31, Саутемптон 29.