Рим, 21 декември 2014 (МИА) – Фудбалерите на Милан успеаја да освојат бод на гостувањето во Рим кај фаворитот Рома и покрај тоа што последните дваесетина минути ги одиграа со фудбалер помалку поради вториот жолт картон на Пабло Армеро.
Најзадоволен од ваквиот исход е лидерот и шампион Јувентус кој по 16.коло во Серија А повторно има три бода предност пред второпласираната Рома.
Немаше победник ниту на вториот вчерашен дуел од оваа рунда.
Постигнати резултати на досега завршените натпревари од 16.коло во Италијанското фудбалско првенство: Каљари – Јувентус 1:3, Наполи – Парма 2:0, Сасуоло – Чезена 1:1 и Рома – Милан 0:0.
Другите шест дуели се играат денеска: Верона – Киево, Аталанта – Палермо, Фиорентина – Емполи, Сампдорија – Удинезе, Торино – Џенова и Интер – Лацио.
Табела: Јувентус 39 бодови, Рома 36, Наполи 27, Лацио 26, Сампдорија 26, Џенова 26, Милан 25.