Неделниот натпреварувачки ден од 17-то коло во Премиер лигата донесе 2 возбудливи натпревари, во кои дури двајца фудбалери заработија повреди на главите.
Во Њукасл Стивен Тејлор се здоби со сериозна повреда на главата откако си ја удри главата во стативата додека се обидуваше да го одбрани сопствениот гол.
Тој доби исеченици во пределот на десното око и образот во второто полувреме од натпреварот против Сандерленд мораше да биде сопрен 7 минути. Сандерленд си замина од Сент Џејмс Парк стадионот во Њукасл со 3-те бода, откако Адам Џонсон во самиот финиш погоди за водство и победа на Сандерленд.
На Енфилд, пак Ливерпул и Арсенал ги поделија бодовите откако Мартин Шкртел во 97-та минута израмни на 2-2. Шкртел претходно се повреди по стартот на Оливие Жиру, и го одигра остатокот од натпреварот со преврзана глава, а успеа да погоди со удар со глава во судиското продолжение и покрај тоа што „црвените“ беа без исклучениот Фабио Борини.
Денес Стоук ќе биде домаќин на лидерот на табелата Челзи во последниот натпревар од 17-то коло во Премиер лигата.