Принцот од Рим, Франческо Тоти, ќе продолжи со игрите во редовите на Рома и во иднина така што очекува да ја заврши кариерата во екипата каде што е уште од стартот. Тој веќе има 38 години и беше најавено дека ќе замине во САД каде што ќе ја продолжи кариерата.
„Никогаш не сум ни помислил да барам друга работа. Сè уште ми се допаѓа во Рим. И понатаму ја имам страста со која играв и на почетокот на кариерата и мислам дека можам добро да се справувам со ситуацијата. Кога ќе видам дека повеќе нема да можам да го постигнам ова тогаш ќе размислам за нешто друго. Сега кога сме во европските купови и кога сме конкурентни со Јувентус не смеам ниту да помислам за заминување. Моето место е во тимот на Рома“, вели Тоти.
Инаку, Рома сезонава играше во Лигата на шампионите каде што не успеа да мине во осминафиналето, но затоа си обезбеди место во Лигата на Европа каде што следниот месец ќе играат против Феенорд.