Доха 17 јануари 2015 (МИА) – Фудбалерот на Баерн Арјен Робен, изјави дека имал блиска средба со крокодил во тренинг кампот на Баварците до Доха, каде рептилот го гризнал, но за среќа без последици.
Дали Холанѓанецот се шегувал објавувајќи ја веста за средбата со крокодилот не се знае со сигурност, но тој ја има преврзано својата рака поради повреда на дланаката и три прсти.
Инцидентот наводно се случил за време на тренинг кога Робен тргнал да ја земе топката што паднала во езерото и тогаш бил нападнат од крокодилот.
Според германски „Билд“ Робен и покрај незгодата ќе биде во можност да тренира.