Манчестер јунајтед сака во јануарскиот преоден рок да го доведе холандскиот репрезентативец Мемфис Депај. Играчот за врска кој е член на ПСВ Ајндховен е еден од милениците на холандскиот стратег. Ван Гал го повика и му даде шанса на 20-годишниот играч да се докаже во дресот на „лалињата“, а тој го покажа својот талент.
Проблемот за овој трансфер е тоа што тимот од Ајндховен не сака да го продаде еден од своите најдобри играчи. ПСВ е во борба за титулата во Холандија, но доколку го продаде Депај може да падне во формата бидејќи тој е еден од клучните играчи во тимот. Депај даде гол и на последниот меч за ПСВ и тоа на гостувањето кај Камбур во домашното првенство. Покрај Манчестер, за Холанѓанецот се интересира и тимот на Тотенхем.