Во редот на екипи кои посакуваат во своите редови да го имаат одбранбениот играч на Реал Мадрид, Серхио Рамос се вклучи и Челзи. Жозе Мурињо сака да го види во одбраната искусниот Шпанец, а парите не би требало да бидат проблем иако има договор до летото во 2017 година.
Со оглед на тоа што Рамос веќе ја отфрли првата понуда од Реал за нов договор сосема јасно е дека сака да си замине. Покрај Челзи на списокот се и Арсенал и Манчестер Јунајтед. Дали Жозе Мурињо би можел да одигра клучна улога ќе се знае во скоро време. Сепак, голема е веројатноста трансферот да се случи во текот на летото бидејќи јануарскиот преоден рок е пред крајот.