Фудбалерот на Ливерпул, Марио Балотели со погодок во 83-та минута успеа да му донесе победа на тимот предводен од Брендон Роџерс во натпреварот од 25-то коло против Тотенхем.
„Црвените“ дојдоа со 3-те бода на Енфилд во финишот на натпреварот откако претходно на два пати стигнуваа до водство. Лазар Марковиќ го отвори резултатот за Ливерпул во 15-та минута, но Хери Кејн во 25-та израмни на 1-1. Стивен Џерард од белата точка во 53-та минута зголеми на 2-1, но Муса Дембеле израмни на 2-2 за Тотенхем во 61-та.
Вечерва играат: Челзи - Евертон, Манчестер Јунајтед - Барнли, Саутемптон - Вест Хем, Стоук - Манчестер Сити, Кристал Палас - Њукасл и ВБА - Свонси.
Голот на Балотели ги постави конечните 3-2 во 83-та минута, а ова се коментарите кои фановите ги објавија за неговиот гол, прв во тековната сезона за Ливерпул.