Напаѓачот на Манчестер Јунајтед, Робин ван Перси ќе паузира меѓу три и четири недели поради повредата на скочниот зглоб здобиена на мечот против Свонси. По лекарските прегледи било констатирано дека тој има истегнати лигаменти и мора да мирува најмалку 20-тина дена.
Холандскиот репрезентативен напаѓач со сигурност ќе ги пропушти следните три меча на „црвените ѓаволи“. Манчестер утре на свој терен игра против Сандерленд, а потоа му претстојат дуелите со Њукасл на гости и дербито против Арсенал на „Олд Трафорд“. Во отсуство на Ван Перси, улогата на прв напаѓач ќе треба да му припадне на Радамел Фалкао или на младиот Џејмс Вилсон. Капитенот Вејн Руни во формацијата на тренерот Луи ван Гал игра многу поповлечено.