Финансискиот план за новиот стадион на Милан е направен, а според италијанските медиуми домот на „росонерите“ ќе чини 300 милиони евра. Колку само за споредба, новиот национален стадион кој ќе го прави фудбалската федерација на Бугарија во Софија е со буџет од 40 милиони евра. „Росонерите“ решија, конечно, да се тргне од „Сан Сиро“, кој го дели со градскиот ривал Интер.
Новиот стадион на Милан треба да биде готов во 2019 година. Тој нема да има атлетска патека туку ќе биде во стилот на англиските стадиони, каде трибините се многу блиску до теренот. Парите за изградба една третина Милан ќе ги обезбеди од сопствениот буџет, додека 200 милиони евра, најверојатно, ќе бидат обезбедени од банковен заем.