Нè очекува нов пад и тоа драстичен на ФИФА ранг листата. Ова го велат нашите прогнози, а дали ќе бидат точни, ќе видиме на 12 март кога ќе биде и официјално промовирана новата ранг листа.
Најдобрата фудбалска репрезентација на Македонија многу веројатно е дека ќе се најде на 108. место во светот, тоа е пад од четири места во однос на последното рангирање. Интересно е тоа што аматерската селекција на Фарските Острови ќе се најде пред нас, на 105. место благодарение на добрите резултати во квалификациите и онаа историска победа над Грција, и тоа среде Атина.
Да се потсетиме дека на последното рангирање Македонија се најде на 104. место со 320 ранкинг поени. На следното рангирање ќе имаме, така велат прогнозите, само 308 поени.