Раководството на Милан ќе направи обид да го донесе на тренерската клупа Винченцо Монтела кој моментално работи во Фиорентина. Управата на миланскиот клуб веќе му даде ултиматум на актуелниот тренер Филипо Инзаги доколку загуби од Верона в сабота ќе добие отказ. Според информациите на медиумите од Италија Милан веќе му предложил на Монтела годишна плата од два милиони евра за да прифати да седне на клупата на „росонерите“.
Милан сезонава не игра добро и е на пат повторно да не излезе во европските купови, што би било многу лошо по финансиската состојба во клубот. Од друга страна, Монтела добро ја врши работата во Фиорентина која моментално е на петтото место во Серија А, во 1/8 финалето во ЛЕ и 1/2 финалето во Купот на Италија.