Екс-селекторот на Италија, а потоа и тренер на Галатасарај, Чезаре Прандели ги бара парите кои смета дека клубот му ги должи. Затоа веќе има поднесено тужба во Лозана каде што Спортскиот суд ќе треба да одлучи дали Прандели има право да ги бара парите.
Сумата која што ја бара е 4 милиони и 596 илјади евра, а во неа се вклучени и пари за неговите помошници.
Како што е познато после лошиот старт на сезоната Галата му врачи отказ на Прандели. Во договорот имаше клаузула според која требаше да му биде исплатена отштета, но сега Чезаре ги бара парите коишто требало да ги добие до крајот на неговиот договор. Дали за ова има право ќе одлучува судот во Лозана, а дефинитивно е познато дека ќе има случај за кој се смета дека може да трае околу една година.
Во времето на Прандели во Галатасарај беше ангажиран и Горан Пандев, кој одигра само неколку средби кај тренерот од Италија и тоа главно во Лигата на шампионите. Како што е познато нашиот фудбалер на крајот од сезоната се враќа во Италија, а ќе игра во Џенова.