Српскиот репрезентативец Немања Матиќ се согласил да го продолжи договорот со тимот на Челзи. Продолжувањето на соработката уште не е официјализирано, но се работи за некои детали кои во најскоро време треба да бидат договорени.
Од Челзи уште пред неколку месеци најавија дека сакаат да му го продолжат договорот на дефанзивниот играч за врска кој би добил и поголема плата. Според новиот договор, би заработувал 4,8 милиони евра по сезона, што е 1,5 милиони евра од сегашната плата што ја добива. Актуелниот договор му е до јуни 2019 година, а по новиот потпис ќе остане на „Стемфорд бриџ“ до 2020 година. Матиќ во јануари 2014 година се врати од Бенфика и оттогаш е стандарден во тимот на Жозе Мурињо. сезонава одигра 36 меча и даде еден погодок.