Фудбалската федерација на Германија и селекторот Јоаким Лев се во завршни преговори за потпишување на нов договор кој ќе трае до 2018 година тврди „Билд“.
Договорот на 55-годишниот Лев, кој на Германија минатото лето и го донесе четвртото злато од Мундијалите, истекува по завршувањето на Европското првенство 2016 година во Франција.
Според информациите, новиот договор предвидува клаузула според која би постоела можност двете страни да ја прекинат соработката по шампионатот на Стариот континент.
- За работата со националниот тим кај мене постојат мотиви кои се силни исти како и првиот ден по преземање на селекторската функција, истакна Лев.