Капитенот на Ливерпул, Стивен Џерард, доби три меча суспензија поради црвениот картон што го доби на дербито против Манчестер Јунајтед минатата недела. Џерард влезе во игра и по 38 секунди заработи исклучување откако го фаулираше Андер Ерера.
Судијата Аткинсон му го покажа патот кон соблекувалната, а Фудбалската асоцијација го казни со три натпревари.
Освен Џерард три меча казна доби Мартин Шкртел поради газење на голманот Давид де Геа.
Неговата жалба беше одбиена, а Словакот воzврати со постирање на фотографија на тројца кловнови на својот профил на „Истаграм“, но без зборови. Јасно е дека со тоа сака да упати што мисли за членовите на Дисциплинската комисија, кои сметаа дека имал намера да го повреди голманот. Двајцата ќе ги пропуштат премиерлигашките дуели со Арсенал и Њукасл и четвртфиналето од ФА Купот против Блекбурн.