Репрезентацијата на Англија под водство на Рој Ходсон имаше разочарувачки настап на Светското првенство минатата година Бразил, но и покрај тоа челниците на федерацијата се задоволни од работата на стратегот. Дека киксот на Мундијалот не претставувало големо разочарување, потврди и првиот човек на фудбалската федерација на Англија, Грег Дјук. Претседателот на ФА најави дека е подготвен да разговара и за продолжување на соработката со селекторот Ходсон.
„Добра е соработката со Ходсон. Сепак, треба да видиме што ќе се случи па може да разговараме за нов договор. Селекторот во секое време може да ми се јави и да зборуваме на секоја тема“, рече Дјук.
Англија е на добар пат да се обезбеди место на завршницата на ЕП 2016 година. Ходсон на чело на тимот дојде во мај 2012 година на местото на Фабио Капело. Актуелниот договор му истекува по завршување на ЕП во Франција.