Италијанскиот првак Јувентус со елиминацијата на Монако и пласманот во полуфиналето во елитната лига доби дополнителна финансиска заработувачка. Со пласманот меѓу најдобрите четири екипи во Европа „Старата дама“ има загарантирани плус 10 милиони евра. Од УЕФА имаат премија од 4,9 милиони евра, плус околу 1,6 милиони евра од ТВ правата, како и три милиони што ќе ги заработи од продадените билети за мечот на кој ќе бидат домаќини.
Со овие пари тимот на Масимилијано Алегри стигна до бројката од 77,5 милиони заработени евра од настапите во Европа само за оваа сезона. Оваа цифра ја надминува бројката од 62,7 милиони евра кои италијанскиот првак ги заработи минатата година. Тогаш Јуве стигна до полуфиналето на Лигата на Европа. Пред две години најтрофејниот италијански тим играше до четвртфиналето во Лигата на шампионите и за тоа доби 65,3 милиони евра, со што само се потврдува дека ова е најдобра сезона за тимот во последната декада од финансиски аспект во Европа.
Доколку се пласира во финалето на ЛШ во Берлин, „Старата дама“ ќе ја достигне и границата од 100 милиони заработени евра.