Стратегот кој го однесе тимот на Баерн Минхен до две титули во Бундес-лигата во последните две години, Пеп Гвардиола од следната сезона би можел да го преземе водењето на тимот на Милан.
Би Течабол кој наскоро ќе ги купи „росонерите“ планира да му понуди на Гвардиола уште подобар договор од оној што го има во моментов. На тој начин тренерот кој е мајстор за титули ќе се обиде да го врати Милан на старите патеки.
Иако оваа вест пристигна вчера, сепак, факт е дека и понатаму е шпекулација бидејќи Гвардиола веќе извесно време е селен и во екипата на Манчестер Сити. Раководството на граѓаните е подготвено да му даде 40 милиони евра на Пеп за да седне на клупата и да го однесе тимот во финалето од ЛШ и до трофејот.
Сепак, сето ова ќе зависи од фактот дали Баерн Минхен ќе го задржи тренерот до крајот на неговиот договор или, пак, уште ова лето ќе дојде до разделба. Медиумите од Англија велат дека поразот од Барселона од 3:0 ја влошил позицијата на Шпанецот, но сè уште ништо не е официјално.
Од друга страна, пак, од Баерн Минхен велат дека сакаат да го продолжат договорот на Гвардиола, а сето ова ги прави сите информации околу иднината на тренерот од Шпанија целосно конфузни.