Во екипата на Реал Мадрид се подготвува чистка, а кои играчи ќе си заминат ќе се знае по завршувањето на сезоната. Ако се суди според она што беше дознаено од анкетата на „Марка“, која важи како весник кој е приврзаник на клубот, сосема јасно е дека капитенот Икер Касиљас повеќе не е посакуван како во минатите години.
Дури 58 проценти од испитаниците се изјасниле за заминување на Касиљас, а тој е трет на листата според тоа каква е желбата на фановите. Поголем процент на листата имаат само Алваро Арбелоа (гласале дури 77 проценти) и Фабио Коентрао (76%).
Зад нив со висок процент се наоѓаат и Лукас Силва (56%) и Хавиер Ернандез (49%) така што ова е петката за која фановите повеќе не даваат поддршка и повеќе не би сакале да ги гледат во дресот на Реал.
АНЧЕЛОТИ ДА ОСТАНЕ
При гласањето на анкетното прашање дури 59 проценти од испитаниците се изјасниле дека Карло Анчелоти би требало да остане во клубот. Од друга страна, тој е добро решение и тренер кој ќе може да го врати тимот на победничките патеки.
РАМОС Е ПОВРЕДЕНЛистата на повредени во Реал Мадрид има нов член, а тој е Серхио Рамос, кој ќе ги пропушти дуелите со Еспањол и Гетафе. Тој се повреди на реваншот против Јувентус, а како што се вели во соопштението мечот го доиграл и покрај болките.
Инаку, Рамос поради повредата предвреме ја завршува сезоната.