Менаџерот на Челзи, Жозе Мурињо одлучи да стави двајца играчи на трансфер листата и во текот на летото да ги продаде Хуан Квадрадо и Оскар. Целта е да собере пари за да може да го купи Рахим Стерлинг од Ливерпул.
Причината поради која мора да ги продаде Колумбиецот и Бразилецот е во фактот што не сака да го наруши финансискиот фер-плеј и на ваков начин ќе се обиде да собере доволно пари за да може да ги вложи во ангажирањето на Стерлинг.
За Оскар е познато веќе извесно време дека тој ќе го напушти тимот бидејќи во последниот период играше сè помалку, додека Хуан Квадрадо не ги оправда очекувањата и не се аклиматизираше на островот иако беше донесен како големо засилување во јануари од Фиорентина.
Дефинитивно и за двајцата постои заинтересираност, па ќе нема проблеми да бидат продадени, а сумата која ќе биде потребна за Стерлинг се движи околу 50 милиони фунти.
И ФАЛКАО ВО ПЛАНОВИТЕ
Откако стана јасно дека Манчестер Јунајтед не планира да го задржи Фалкао, Жозе Мурињо изјавува дека тој е во желбите за новата сезона. Неизвесно е колку во Челзи се подготвени да платат за да го ангажираат, но останува на Монако да одлучи што ќе се случува со Фалкао.
