Стратегот на Баерн Минхен, Пеп Гвардиола, постави услови според кои би останал на клупата на Баерн Минхен барем до 2018 година. Тој има две барања кои доколку бидат исполнети тогаш сигурно ќе потпише нов договор.
Едниот услов е поврзан со трансферите на играчите. Пеп бара играчите кои ги сака да му бидат донесени во тимот со што би имал далеку подобра игра и би го исполнувал она што се очекува од него.
Вториот услов, пак, е поврзан со докторскиот тим. Гвардиола посакува да има доктор кој ќе го предложи самиот и кој ќе му одговара за здравјето на играчите.
Според она што е јасно Гвардиола има договор до следниот јуни, но во клубот веќе планираат да ја продолжат соработката, па затоа уште сега се прават напори за да остане во клубот до летото во 2018 година.
По ова прашање веќе имало состанок, па во скоро време ќе биде познато како ќе течат работите околу иднината на Гвардиола.