Светската куќа на фудбалот во текот на следната недела ќе донесе одлука за организација на Светските првенства, а тоа воедно најавува и измени околу тоа кој може да се кандидира за домаќин.
За Мундијалот во 2026 година се прави план да бидат запрени кандидатурите од Европа и вниманието да се насочи кон другите континенти. Со оглед на тоа што Јужна Америка беше домаќин минатата година, а Европа е домаќин на следниот во 2018 година (Русија) работите се менуваат. Катар ќе биде организатор во 2022 година, па затоа сега шанса ќе добија членките на Конкакаф зоната. Таму најдобри услови може да понудат САД, Канада и Мексико. Американците веќе биле домаќини во 1994 година, а Мексико двапати во 1970 и 1986 година што би значело дека доколку Канада сака СП на свое тло ќе добие убава шанса за тоа.
Дали е ова некаква игра на Блатер за гласови при изборот за претседател на ФИФА ќе се види на 29 мај.