Незадоволниот Кристијано Роналдо доби состанок со првиот човек на „кралевите“, Флорентино Перез, а информациите кои доаѓаат оттаму не се многу оптимистички за фановите на Реал Мадрид.
Кристијано го известил Флорентино дека има отворена понуда од страна на тимот на ПСЖ, што воедно значи дека работите почнуваат да добиваат тек каков што се прогнозираше од неколку места.
Роналдо му признал на Перез дека не почувствувал доволно голема поддршка од клубот откако бил цел на јавноста поради роденденската забава. Воедно е незадоволен и од резултатите кои беа постигнати во сезоната што е во самиот финиш. Оттаму желбата на Португалецот била да слушне какви се плановите на Флорентино за новата сезона и каква ќе биде неговата реакција кога ќе дознае дека има понуда од тим кој нема никакви проблеми за да плати за трансферот.
Засега нема никаква реакција од Флорентино Перез, но дефинитивно станува сè поизвесно дека една од големите ѕвезди во тимот Роналдо-Бејл ќе мора да си замине ова лето пред сè поради тоа што станува тензично и на теренот кога се двајцата во составот.
Се очекува целата приказна да добие разврска во следните недела до две и веројатно тогаш ќе биде познато каква ќе биде иднината на Роналдо во Реал Мадрид.