Тандемот на Челзи, Жозе Мурињо (менаџер) и Еден Азар (играч) ги добија главните награди во Премиер лигата за сезоната 2014/15.
За Мурињо ова е третпат да го добива ова признание по 2005 и 2006 година. Во текот на сезоната Мурињо ниту еднаш не ја доби наградата менаџер на месецот.
Еден Азар со оваа награда само ја комплетираше колекцијата признанија за оваа сезона. Тој претходно беше избран за најдобар играч според професионалните фудбалери и според фудбалските новинари во Англија. Сезонава Азар постигна 14 голови, а имаше и 9 асистенции, но целата сезона ја одигра на високо ниво и беше вистински лидер на екипата.
Екипата на Челзи шампионската титула за оваа сезона ќе ја прослави по натпреварот од последното коло што во недела го игра на домашен терен против Сандерленд.