Екипата на Хјустон успеа да ја забележи првата победа во финалето на „Запад“ откако ноќеска го совлада Голден Стејт со 128:115.
Ефикасна прва четвртина одигра домашната екипа која реализираше 45 поени (45:22).
Џејмс Харден натпреварот го заврши со 45 поени (7 тројки), а помош имаше од Двајт Хауард, кој имаше 14 поени и 12 скока. Во редовите на Голден Стејт најпрецизен беше Клеј Томпсон со 24 поени, додека Стеф Кари реализираше 23 поени, но поради лош пад во првиот дел беше надвор од игра неколку минути.
Натпреварот број 5 се игра во среда навечер на теренот на Голден Стејт.
Вечерва Кливленд и Атланта го играат натпреварот број 4 од финалето на Источната конференција. Кливленд води со 3-0 во добиени натпревари.