Словенецот Алеш Пипан, најверојатно, останува тренер на МЗТ Скопје Аеродром и во следната сезона. Според непотврдени информации до кои дојдовме, Пипан веќе дал усна согласност да остане на кормилото на македонскиот првак
Од клубот уште нема официјално потврда на оваа вест. Во МЗТ на нивната официјална интернет страница се објавуваат само информации кои се 100 отсто сигурни и откако договорот ќе биде потпишан од двете страни.
Договорот со Пипан уште не е потпишан, но се чини дека на обострано задоволство, само прашање на време е кога и тоа ќе се случи.
Под водство на поранешниот македонски селектор, МЗТ има освоено две шампионски титули, во 2013 и годинава. Пипан добро ги познава состојбите во македонската кошарка, се покажа како човек кој не губи финални натпревари и затоа управата на аеродромци инсистираше на негово останување.