Ричард Хендрикс по разделбата со Локомотив Кубан не остана долго време слободен агнет. Уникаха Малага не чекаше многу веднаш го врза Американецот со македонски пасош, кој потпиша едногодишен договор.
„Со потпишувањето на Хендрикс Уникаха Малага го реши еден од најголемите проблеми под обрачите“, пишуваат во Шпанија претставувајќи го натурализираниот Македонец како големо засилување.
Хендрикс минатата сезона во Еврокупот одигра 17 натпревари за кои имаше просек од 7,8 поени и 6,5 скока и беше еден од најзаслужните што Локомотив Кубан стигна до четвртфиналето.
Уникаха е клуб кој во минатата сезона ги имаше правата на Андреј Магдевски кого го испрати на калење во својата филијала Клиникас Ринкон во втората шпанска лига, но летово реши да се откаже од услугите на младиот македонски плејмејкер.
Хендрикс на 1 август треба да се појави во Македонија и да му се приклучи на националниот тим во подготовките за ЕП. Тој лани дебитираше во дресот на нашата репрезентација, и како одминуваше време, тој прикажуваше сé подобри игри и даде голем придонес во пласманот на завршницата.