Минатата недела Шекил О’Нил предизвика дискусија кај НБА фановите со изјавата дека „ол-стар“ тимот на Лос Анџелес Лејкерс би го победил „ол -стар“ тимот на Чикаго Булс со разлика од 50 поени.
На ова веднаш реагираше Скоти Пипен и двајцата беа вклучени во интересна дискусија. Сега Шекил реши да оди понапред.
-Останувам на тоа мислење, но тој ја направи работата лична кога изјави дека се работи за хипотетички работи. Не дозволувам секој да не ме почитува. Да, тој беше голем играч, но јас сум мостот, а тој е водата. Секогаш ќе биде под мене. Скоти Пипен не смее да не ме почитува, изјави О’Нил.