Македонскиот шампион МЗТ Скопје Аеродром, од 11 до 13 септември треба да учествува на меморијалниот турнир „Антонио Алексе 2015“ во романскиот град Орадеа.
Овој турнир се одржува шеста година по ред во чест на еден романски кошаркар чие име го носи и салата во Орадеа. Покани за настап на турнирот добија МЗТ, Интер Братислава и Албакомп, а како четврти учесник ќе биде домашниот Орадеа.
Интер беше полуфиналист на плејофот во Словачка и тим кој ќе игра во новото натпреварување на ФИБА, Орадеа беше седма во романската лига, додека Албакомп е еден од подобрите клубови во Унгарија, но во минатата сезона беа само деветти на домашна сцена.