Кошаркарската репрезентација на Македонија го претрпе првиот пораз во подготовките за Евробаскетот 2015 на гостувањето во Литванија загуби од домашната селекција со резултат 68:62, во рамки на Хуавеи купот.
Македонската репрезентација водеше во поголемиот дел од мечот, а во последната четвртина влегоа со предност од осум поени, но за жал не успеаја да го издржат притисокот на домаќините до крај и загубија. По четвртини резултатот беше следниот: 11:17, 16:15, 15:18 и 26:12.
Војдан Стојановски со 14 поени беше најефикасен кај Македонија, пред Самарџиски со 13, Костоски со 11 и Симоновски со 10 поени.
Македонската репрезентација денес ќе се сретне со Турција во последниот натпреварувачки ден од Хуавеи турнирот во Каунас.