Дамјан Стојановски и во следната сезона ќе го носи дресот на МЗТ Скопје Аеродром откако ги договорил условите за продолжување на соработката со актуелниот шампион на Македонија.
Според порталот екипа.мк преговорите помеѓу МЗТ Скопје Аеродром и Стојановски траеле повеќе од еден месец, за на крајот конечно бил постигнат договор репрезентативецот да остане уште една година во „Јане Сандански.“ Останувањето на Стојановски е втор ваков потег што го влече управата на МЗТ, откако претходно се договори за останување и со Марко Симоновски.
Дамјан Стојановски минатата сезона потпиша за МЗТ во текот на сезоната, а потоа следуваше тешката повреда на коленото заради која Стојановски го пропушти вториот дел од сезоната.