Македонската кошаркарска репрезентација денеска ќе одигра уште еден пријателски натпревар во рамките на подготовките за Европското првенство. Во Каунас како дел од„ Хуавеи купот“ Македонија ќе игра против селекцијата на Турција.
Двете репрезентации вчера ги загубија натпреварите на овој турнир. Македонија беше поразен од домаќинот Литванија со 68:62, додека Турција загуби од Хрватска со 74:66.
Нашиот денешен ривал во понеделникот беше поразен од Литванија со 86:74, додека Македонија првиот ден не играше бидејќи Хрватска го откажа дуелот.
Почетокот на денешниот натпревар меѓу Македонија и Турција е во 15:45 часот, а потоа е и дуелот меѓу Литванија и Хрватска.