Првиот играч на новиот НБА-шампионат Голден Стејт, Стивен Кари, засега не размислува околу тоа да стане „слободен агент“, односно да ги напушти популарните „Воини од Оукленд“.
Или подобро речено, првата sвезда на Вориорс не сака да прави долгорочни планови поврзани со негово играње надвор од клубот во кој ја донесе шампионската титула.
Кари може да стане неограничен слободен агент во летото во 2017 година, но тој не размислува за тоа, и сака да остане „воин“ што е можно подолго.
„Како што размислувам во овој момент, улогата на ’слободен агент’ не е навистина привлечна за мене. Пред сè затоа што го сакам да сум тука каде што сум. Ја сакам организацијата за која играм, и „Бај-арената“ што е дом за мене и за моето семејство", вели Кари.
„Помогнав овој тим да биде светски шампион. И затоа сакам да продолжиме заедно да изградиме уште повеќе. Да го одржиме моментумот на нешто што сме го поставиле, и искрено се надевам дека ќе бидам важен дел од тоа на еден подолг рок. Мислам дека тоа е најдобар пристап за мене. Да се обидам и да останам тука како што е во моментов, и што е можно подолго време“, дополнува првата звезда на Голден Стејт.