Кошаркарскиот клуб Работнички ги извести своите симпатизери, поддржувачи и сите вљубеници во кошарката дека во соработка со МКТикетс ќе почне со продажба на сезонски билети за новата кошаркарска сезона 2015/2016.
Сезонските билети за новата сезона ќе можат да се набават на веб страницата на МКТикетс и нивните продажни места по промотивна цена од 500 денари и ќе важат за сите домашни натпревари на Работнички. Секој од фановите со купен сезонски билет ќе добие нумерирано седиште од каде ќе го следи омилениот клуб во текот на целата сезона.
Оваа промотивна акција ќе трае до вториот првенствен натпревар на домашен терен на КК Работнички, поточно до 30 октомври од кога билетите ќе се продаваат по редовната цена од 100 денари за секој меч.
Од Работнички ги повикува своите навивачи да ја поддржат акцијата и да го направат кошаркарскиот храм „Градски парк” место каде само победата на домашниот тим ќе биде опција.