Македонскиот интернационалец Перо Антиќ беше магнет за фоторепортерите и новинарите кои присуствуваа на медија денот на Фенербахче кој го организира Евролигата.
Иако турскиот тим донесе 7-8 нови играчи, според фотографиите објавени на клупскиот сајт, доминираат Антиќ и Луиџи Датоме кои во минатата сезона настапуваа во НБА лигата.
Во изјавите кои ги даде Перо на медија денот, изјави дека екипата во претстојната сезона ќе атакува на сите трофеи, и оти привилегија е да се игра за тренер како Жељко Обрадовиќ.
Сега на тимот на Фенербахче му следува предизвик од гостување во Америка. Клубот веќе четврта сезона по ред игра против НБА тимови, но сега првпат гостува во САД. На 5 октомври в понеделник, Фенер ќе се сретне со Бруклин нетс. Четири дена подоцна, на 9 октомври, една од најсилните европски екипи ќе гостува кај Оклахома Сити тандер за кој настапува Кевин Дурант, играч за кој Антиќ во едно интервју рече дека е подобар од Леброн Џејмс.
Како последна контрола пред заминувањето на турнејата, Фенербахче играше со екс клубот на Антиќ, Локомотив Кубан, и го совлада со 86:69. Перо не беше во составот поради повреда, а истата судбина ја имаше и Боби Диксон, но тие двајца би требало да настапат против НБА ривалите