Македонскиот шампион МЗТ Скопје Аеродром синоќа го претрпе вториот пораз во АБА лигата, а разочаран од пропуштената шанса за триумф над Партизан беше тренерот Алеш Пипан.
- Дојдовме во Белград со цел да победиме, но за такво нешто не е доволно да се игра само едно добро полувреме. Не можам да објаснам што се случи со моите играчи. Тие мислеа дека се е готово и прокоцкаа се за само неколку минути. На полувреме мислеа дека се е готово, тоа беше нашиот главен проблем. Имаме за што да жалиме, пропуштивме одлична шанса да победиме еден голем ривал, изјави Пипан на прес-конференцијата по натпреварот.
Партизан победи со 72:69, иако „штрковите“ на полувреме водеа со 11 поени разлика.
МЗТ Скопје в петок го очекува нов дуел во АБА лигата, во 4.коло гостува во Сремска Митровица кај Мега Лекс.