Морабанк Андора ја совлада Сарагоса со 91:81 во дуел од шпанската лига, а голема заслуга за триумфот на домашните имаше македонскиот репрезентативен бек Војдан Стојановски.
Војдан со 19 поени, дел од нив кога на неговите соиграчи не им одеше, беше втор стрелец во победничката екипа. За 32. минути игра, Стојановски имаше и по три скока и асистенции.
Во следното коло Андора и гостува на големата Барселона. По 18 кола, тимот на Стојановски има скор 9-9. Деветтото место за малку не им донесе пласман на завршницата во Купот, но брзо го преболеа тоа, и ако продолжат вака, може да се надеваат на место во плеј-офот, каде истотака играат најдобрите осум тима на Пиринејскиот Полуостров.
Шпанските новинари пишуваат дека Стојановски повторно е во топ форма откако на стартот на сезоната не блескал, веројатно поради замор од Евробаскетот.