Портланд, 30 април 2016 (МИА) – Кошаркарите на Портланд ноќеска во натпреварот број 6 од првото коло од плеј офот остварија победа од 106:103 над ЛА Клиперс и изборија пласман во конференциското полуфинале каде ќе играат против шампионот Голден Стејт (првиот натпревар се игра во недела).
Дамиан Лилард кај Портланд со 28 поени беше најпрецизен, додека на дуелот најефикасен беше Џамал Крафорд со 32 поена, но не го реализираше последниот напад за изедначување на својот тим. Портланд во серијата беше подобар од ЛА Клиперс со 4-2 во победи.
На другите два натпревара одиграни ноќеска екипите на Индијана и на Мајами се изборија за мајсторки. Индијана дома го победи Торонто со 101:83, додека Мајами славеше на теренот на Шарлот со 97:90.
Резултатот во победи на двата дуела е 3-3. Решавачките натпревари се играа во недела вечер.