Сан Антонио со убедлива победа од 124:92 (43:20; 30:20; 32:16; 19:26) ја почна полуфиналната серија од плеј офот од „Запад“ против Оклахома Сити. Победата на првиот натпревар што се одигра ноќеска беше најавена веќе по првиот период кога Сан Антонио постигна 43 поени.
Најдобар поединец на дуелот беше Ламаркус Олдриџ кој постигна 38 поени, а целиот тим на Сан Антонио запиша 39 асистенции.
Вечерва се играат три натпревари од НБА плеј офот. На програмата се две мајстрорки од Источната конференција: Торонто – Индијана (3-3 во победи) и Мајами – Шарлот (3-3), додека Голден Стејт е домаќин на Портланд во првиот натпревар од полуфиналето на „Запад“.