Иако, само неколку дена по освојувањето на шампионскиот трофеј во НБА лигата, при величенствениот дочек во Кливленд, првата ѕвезда на „Кавс’’ Леброн Џејмс изјави дека е среќен во Кливленд и дека не размислува да го напушти, сепак Џејмс се предомисли.
Имено, Леброн Џејмс се откажа од нов договор, па на 1 јули тој ќе стане слободен (агент) играч.
Како што пренесуваат медиумите од САД, ова го потврди и агентот на играчот Рич Пол потенцирајќи дека дека неговиот клиент трето лето по ред ќе биде слободен играч и дека наскоро ќе го објави името на неговиот нов клуб.
Едноставно, Леброн сака да го искористи зголемувањето на „селари-капот“ и да го замени сегашниот договор вреден 24 милиони долари со нов кој би го приближил до бројката од 30 милиони долари.